2. ратанасиккха̄падаван̣н̣ана̄

502-3. дутийе – виссаритва̄ти памусситва̄. пун̣н̣апаттам̣ на̄ма сатато пан̃ча каха̄пан̣а̄. кйа̄хам̣ карисса̄мӣти ким̣ ахам̣ карисса̄ми. а̄бхаран̣ам̣ омун̃читва̄ти маха̄латам̣ на̄ма навакот̣иаггханакам̣ алан̇ка̄рам̣ апанетва̄.

504. антева̄сӣти парича̄рако.

506. апариккхиттасса упача̄роти еттха упача̄ро на̄ма а̄ра̄масса две лед̣д̣упа̄та̄ – ‘‘а̄васатхасса пана суппапа̄то ва̄ мусалапа̄то ва̄’’ти маха̄паччарийам̣ вуттам̣. угган̣ха̄ти а̄патти па̄читтийасса̄ти еттха джа̄тарӯпараджатам̣ аттано аттха̄йа угган̣хантасса ва̄ угган̣ха̄пентасса ва̄ ниссаггийам̣ па̄читтийам̣, сан̇гхаган̣апуггалачетийанавакамма̄нам̣ аттха̄йа дуккат̣ам̣, авасесам̣ мутта̄диратанам̣ аттано ва̄ сан̇гха̄дӣнам̣ ва̄ аттха̄йа угган̣хантасса ва̄ угган̣ха̄пентасса ва̄ дуккат̣ам̣. каппийаваттху ва̄ акаппийаваттху ва̄ хоту, антамасо ма̄ту кан̣н̣апил̣андханата̄л̣апан̣н̣ампи гихисантакам̣ бхан̣д̣а̄га̄рикасӣсена пат̣иса̄ментасса па̄читтийамева.

саче пана ма̄та̄питӯнам̣ сантакам̣ авассам̣ пат̣иса̄метаббам̣ каппийабхан̣д̣ам̣ хоти, аттано аттха̄йа гахетва̄ пат̣иса̄метаббам̣. ‘‘идам̣ пат̣иса̄метва̄ дехӣ’’ти вутте пана ‘‘на ват̣т̣атӣ’’ти пат̣иккхипитаббам̣. саче ‘‘пат̣иса̄мехӣ’’ти па̄тетва̄ гаччханти, палибодхо на̄ма хоти, пат̣иса̄метум̣ ват̣т̣ати. виха̄ре каммам̣ каронта̄ вад̣д̣хакӣа̄дайо ва̄ ра̄джаваллабха̄ ва̄ аттано упакаран̣абхан̣д̣ам̣ ва̄ сайанабхан̣д̣ам̣ ва̄ ‘‘пат̣иса̄метва̄ детха̄’’ти ваданти, чханденапи бхайенапи на ка̄таббамева, гуттат̣т̣ха̄нам̣ пана дассетум̣ ват̣т̣ати. балакка̄рена па̄тетва̄ гатесу ча пат̣иса̄метум̣ ват̣т̣ати.

аджджха̄ра̄ме ва̄ аджджха̄васатхе ва̄ти еттха саче маха̄виха̄расадисо маха̄ра̄мо хоти, таттха па̄ка̄рапариккхитте паривен̣е йаттха бхиккхӯхи ва̄ са̄ман̣ерехи ва̄ гахитам̣ бхависсатӣти сан̇ка̄ уппаджджати, та̄дисе ева т̣ха̄не угган̣хитва̄ ва̄ угган̣ха̄петва̄ ва̄ т̣хапетаббам̣. маха̄бодхидва̄ракот̣т̣хакаамбан̇ган̣асадисесу пана маха̄джанасан̃чаран̣ат̣т̣ха̄несу на гахетаббам̣, палибодхо на хоти. курундийам̣ пана вуттам̣ ‘‘еко маггам̣ гаччханто нимануссат̣т̣ха̄не кин̃чи бхан̣д̣ам̣ пассати, а̄кин̣н̣амануссепи джа̄те манусса̄ тамева бхиккхум̣ а̄сан̇канти, тасма̄ магга̄ оккамма нисӣдитаббам̣. са̄микесу а̄гатесу там̣ а̄чиккхитаббам̣. саче са̄мике на пассати патирӯпам̣ кариссатӣ’’ти.

рӯпена ва̄ нимиттена ва̄ сан̃н̃а̄н̣ам̣ катва̄ти еттха рӯпам̣ на̄ма антобхан̣д̣ика̄йа бхан̣д̣ам̣; тасма̄ бхан̣д̣икам̣ мун̃читва̄ ган̣етва̄ еттака̄ каха̄пан̣а̄ ва̄ джа̄тарӯпараджатам̣ ва̄ти саллаккхетаббам̣. нимиттанти лан̃чхана̄ди; тасма̄ лан̃чхита̄йа бхан̣д̣ика̄йа маттика̄лан̃чхананти ва̄ ла̄кха̄лан̃чхананти ва̄ нӣлапилотика̄йа бхан̣д̣ика̄ ката̄ти ва̄ сетапилотика̄йа ката̄ти ва̄ евама̄ди саббам̣ саллаккхетаббам̣.

бхиккхӯ патирӯпа̄ти ладжджино куккуччака̄. лоладжа̄тика̄нан̃хи хаттхе т̣хапетум̣ на лабхати. йо пана нева тамха̄ а̄ва̄са̄ паккамати, на са̄мике пассати, тена̄пи аттано чӣвара̄димӯлам̣ на ка̄таббам̣; тха̄варам̣ пана сена̄санам̣ ва̄ четийам̣ ва̄ поккхаран̣ӣ ва̄ ка̄ретабба̄. саче дӣгхасса аддхуно аччайена са̄мико а̄гаччхати, ‘‘упа̄сака тава сантакена идам̣ на̄ма катам̣, анумода̄хӣ’’ти ваттаббо. саче анумодати, иччетам̣ кусалам̣; но че анумодати, ‘‘мама дханам̣ детха̄’’ти чодетийева, ан̃н̃ам̣ сама̄дапетва̄ да̄таббам̣.

507. ратанасамматам̣ висса̄сам̣ ган̣ха̄тӣтиа̄дӣсу а̄ма̄самева сандха̄йа вуттам̣. ана̄ма̄сам̣ на ват̣т̣атийева. сесаметтха утта̄намева. чхасамут̣т̣ха̄нам̣ – кирийам̣, носан̃н̃а̄вимоккхам̣, ачиттакам̣, пан̣н̣аттиваджджам̣, ка̄йакаммам̣, вачӣкаммам̣, тичиттам̣, тиведананти.

ратанасиккха̄падам̣ дутийам̣.