1. сахадхаммикасиккха̄падаван̣н̣ана̄

434. сахадхаммикаваггасса пат̣хамасиккха̄паде – етасмим̣ сиккха̄падети етасмим̣ сиккха̄паде йам̣ вуттам̣, там̣ на та̄ва сиккхисса̄ми. а̄патти па̄читтийасса̄ти еттха пана ва̄ча̄йа ва̄ча̄йа а̄патти ведитабба̄. сиккхама̄нена бхиккхаве бхиккхуна̄ти ова̄дам̣ сираса̄ сампат̣иччхитва̄ сиккхитука̄менева хутва̄ а̄джа̄нитаббан̃чева пуччхитаббан̃ча упапариккхитаббан̃ча. сесаметтха дуббачасиккха̄паде вуттанайенева падаттхато ведитаббам̣. виниччхайато утта̄намева.

тисамут̣т̣ха̄нам̣ – кирийам̣, сан̃н̃а̄вимоккхам̣, сачиттакам̣, локаваджджам̣, ка̄йакаммам̣, вачӣкаммам̣, акусалачиттам̣, дуккхаведананти.

сахадхаммикасиккха̄падам̣ пат̣хамам̣.