9. викаппанасиккха̄падаван̣н̣ана̄

374. наваме – тасса ва̄ адиннанти чӣвараса̄микасса ‘‘парибхун̃джа ва̄ виссаджджехи ва̄ йатха̄паччайам̣ ва̄ карохӣ’’ти евам̣ ватва̄ адиннам̣. тасса ва̄ ависсасантоти йена винайакаммам̣ катам̣, тасса ависса̄сена ва̄. тена пана диннам̣ ва̄ тасса висса̄сена ва̄ парибхун̃джантасса ана̄патти. сесаметтха тим̣сакаван̣н̣ана̄йам̣ вуттанайатта̄ утта̄намева̄ти. катхинасамут̣т̣ха̄нам̣ – ка̄йава̄чато ка̄йава̄ча̄читтато ча самут̣т̣ха̄ти, кирийа̄кирийам̣, носан̃н̃а̄вимоккхам̣, ачиттакам̣, пан̣н̣аттиваджджам̣, ка̄йакаммам̣, вачӣкаммам̣, тичиттам̣, тиведананти.

викаппанасиккха̄падам̣ навамам̣.