10. чӣвара̄панидха̄насиккха̄падаван̣н̣ана̄

377-81. дасаме – апанидхентӣти апанетва̄ нидхенти. хаса̄пеккхоти хаса̄дхиппа̄йо. ан̃н̃ам̣ париккха̄ранти па̄л̣ийа̄ ана̄гатам̣ паттаттхавика̄дим̣. дхаммим̣ катхам̣ катва̄ти ‘‘саман̣ена на̄ма анихитапариккха̄рена бхавитум̣ на ват̣т̣атӣ’’ти евам̣ дхаммакатхам̣ катхетва̄ дасса̄мӣти никкхипато ана̄патти. сесаметтха утта̄намева. тисамут̣т̣ха̄нам̣ – кирийам̣, сан̃н̃а̄вимоккхам̣, сачиттакам̣, локаваджджам̣, ка̄йакаммам̣, вачӣкаммам̣, акусалачиттам̣, тиведананти.

чӣвара̄панидха̄насиккха̄падам̣ дасамам̣.

саматто ван̣н̣ана̄ккамена сура̄па̄навагго чхат̣т̣хо.