8. дуббан̣н̣акаран̣асиккха̄падаван̣н̣ана̄

368-9. ат̣т̣хаме – навам̣ пана бхиккхуна̄ чӣварала̄бхена̄ти еттха алабхӣти лабхо; лабхойева ла̄бхо. ким̣ алабхи? чӣварам̣. кӣдисам̣? навам̣. ити ‘‘навачӣварала̄бхена̄’’ти ваттаббе ануна̄сикалопам̣ акатва̄ ‘‘навачӣварала̄бхена̄’’ти вуттам̣; пат̣иладдханавачӣварена̄ти аттхо. маджджхе т̣хитапададвайе пана̄ти нипа̄то. бхиккхуна̄ти йена ладдхам̣ тасса нидассанам̣. падабха̄джане пана бйан̃джанам̣ ана̄дийитва̄ йам̣ ладдхам̣ там̣ дассетум̣ ‘‘чӣварам̣ на̄ма чханнам̣ чӣвара̄на’’нтиа̄ди вуттам̣. чӣваранти еттха йам̣ нива̄сетум̣ ва̄ па̄рупитум̣ ва̄ сакка̄ хоти, тадева ведитаббам̣. тенева ‘‘викаппанупагапаччхима’’нти на вуттам̣. кам̣санӣланти чаммака̄ранӣлам̣. маха̄паччарийам̣ пана ‘‘айомалам̣ лохамалам̣ етам̣ кам̣санӣлам̣ на̄ма̄’’ти вуттам̣. пала̄санӣланти йо кочи нӣлаван̣н̣о пан̣н̣арасо. дуббан̣н̣акаран̣ам̣ а̄да̄таббанти етам̣ каппабиндум̣ сандха̄йа вуттам̣; на нӣла̄дӣхи сакалачӣварасса дуббан̣н̣акаран̣ам̣. тан̃ча пана каппам̣ а̄дийантена чӣварам̣ раджитва̄ чатӯсу ва̄ кон̣есу тӣсу ва̄ двӣсу ва̄ екасмим̣ ва̄ кон̣е морасса аккхиман̣д̣аламаттам̣ ва̄ ман̇кулапит̣т̣химаттам̣ ва̄ а̄да̄таббам̣. маха̄паччарийам̣ ‘‘патте ва̄ ган̣т̣хийам̣ ва̄ на ват̣т̣атӣ’’ти вуттам̣. маха̄ат̣т̣хакатха̄йам̣ пана ‘‘ват̣т̣атийева̄’’ти вуттам̣. па̄л̣икаппакан̣н̣икакаппа̄дайо пана саббаттха пат̣исиддха̄, тасма̄ т̣хапетва̄ екам̣ ват̣т̣абиндум̣ ан̃н̃ена кеначипи вика̄рена каппо на ка̄таббо.

371. аггал̣етиа̄дӣсу ета̄ни аггал̣а̄дӣни каппакатачӣваре паччха̄ а̄ропетва̄ каппакаран̣акиччам̣ наттхи. сесам̣ утта̄намева. ел̣акаломасамут̣т̣ха̄нам̣ – кирийа̄кирийам̣, носан̃н̃а̄вимоккхам̣, ачиттакам̣, пан̣н̣аттиваджджам̣; ка̄йакаммам̣, тичиттам̣, тиведананти.

дуббан̣н̣акаран̣асиккха̄падам̣ ат̣т̣хамам̣.