1. ачелакасиккха̄падаван̣н̣ана̄

269. ачелакаваггасса 9 пат̣хамасиккха̄паде – паривесананти паривисанат̣т̣ха̄нам̣. парибба̄джакасама̄панноти паббаджджам̣ сама̄панно. дети а̄патти па̄читтийасса̄ти саматиттикам̣ йа̄гупаттам̣ екапайогена дети, екам̣ па̄читтийам̣. аваччхиндитва̄ аваччхиндитва̄ дети, пайоге пайоге па̄читтийам̣. есева найо пӯвабхатта̄дӣсу. титтхийе атиттхийасан̃н̃ӣти ма̄та̄ ва̄ пита̄ ва̄ титтхийесу паббаджати, тесам̣ ма̄та̄питусан̃н̃а̄йа дентасса̄пи па̄читтийамева хоти. да̄петӣти анупасампаннена да̄пети.

273. упаниккхипитва̄ детӣти татха̄рӯпе бха̄джане т̣хапетва̄ там̣ бха̄джанам̣ тесам̣ сантике бхӯмийам̣ никкхипитва̄ дети, тесам̣ ва̄ бха̄джанам̣ никкхипа̄петва̄ таттха дети, паттам̣ а̄дха̄раке ва̄ бхӯмийам̣ ва̄ т̣хапетва̄пи ‘‘ито ган̣хатха̄’’ти ваттум̣ ват̣т̣ати. саче титтхийо вадати ‘‘майхам̣ на̄ма идам̣ сантакам̣, идха на а̄киратха̄’’ти а̄киритаббам̣. тасса сантакатта̄ сахаттха̄ да̄нам̣ на̄ма на хоти. сесаметтха утта̄намева.

ел̣акаломасамут̣т̣ха̄нам̣ – кирийам̣, носан̃н̃а̄вимоккхам̣, ачиттакам̣, пан̣н̣аттиваджджам̣, ка̄йакаммам̣, тичиттам̣, тиведананти.

ачелакасиккха̄падам̣ пат̣хамам̣.