3. бхиккхунупассайасиккха̄падаван̣н̣ана̄

162. татийасиккха̄паде – ан̃н̃атра самайа̄ овадати а̄патти па̄читтийасса̄тиа̄дӣсу ат̣т̣хахи гарудхаммехи овадантассева па̄читтийам̣, ан̃н̃ена дхаммена дуккат̣анти ведитаббам̣. екатоупасампанна̄йа̄ти бхиккхунисан̇гхе упасампанна̄йа, бхиккхусан̇гхе упасампанна̄йа пана овадато па̄читтийамева. ито парампи йаттха йаттха ‘‘екатоупасампанна̄’’ти вуччати, саббаттха айамева аттхо дат̣т̣хаббо. сесам̣ утта̄намева.

катхинасамут̣т̣ха̄нам̣ – ка̄йава̄чато, ка̄йава̄ча̄читтато ча самут̣т̣ха̄ти, кирийам̣, носан̃н̃а̄вимоккхам̣, ачиттакам̣, пан̣н̣аттиваджджам̣, ка̄йакаммам̣, вачӣкаммам̣, тичиттам̣, тиведананти.

бхиккхунупассайасиккха̄падам̣ татийам̣.

идам̣ панеттха маха̄паччарийам̣ вуттам̣ пакин̣н̣акам̣ – асаммато че бхиккху аттхан̇гате сӯрийе бхиккхунупассайам̣ упасан̇камитва̄ ат̣т̣хахи гарудхаммехи овадати, тӣн̣и па̄читтийа̄ни. ан̃н̃ена дхаммена овадато две дуккат̣а̄ни, екам̣ па̄читтийам̣. катхам̣? асамматамӯлакам̣ дуккат̣ам̣, упассайам̣ гантва̄ ан̃н̃ена дхаммена оваданамӯлакам̣ дуккат̣ам̣, аттхан̇гате сӯрийе оваданамӯлакам̣ па̄читтийанти. самматасса аттхан̇гате сӯрийе таттха гантва̄ ат̣т̣хахи гарудхаммехи овадантасса ека̄ ана̄патти, две па̄читтийа̄ни. катхам̣? саммататта̄ ана̄патти, аттхан̇гате сӯрийе оваданамӯлакам̣ екам̣, гантва̄ гарудхаммехи оваданамӯлакам̣ еканти две па̄читтийа̄ни. тассева ан̃н̃ена дхаммена овадато ека̄ ана̄патти, екам̣ дуккат̣ам̣, екам̣ па̄читтийам̣. катхам̣? саммататта̄ ана̄патти, гантва̄ ан̃н̃ена дхаммена оваданамӯлакам̣ дуккат̣ам̣, аттхан̇гате сӯрийе оваданамӯлакам̣ па̄читтийанти. дива̄ пана гантва̄ овадато самматасса ча асамматасса ча раттим̣ оваданамӯлакам̣ екам̣ па̄читтийам̣ апанетва̄ авасеса̄ а̄патта̄на̄паттийо ведитабба̄ти.

пакин̣н̣акакатха̄ нит̣т̣хита̄.