4. а̄мисасиккха̄падаван̣н̣ана̄

164. чатуттхасиккха̄паде – на бахуката̄ти на катабахума̄на̄, на дхамме бахума̄нам̣ катва̄ овадантӣти адхиппа̄йо. ‘‘бхиккхунова̄дакам̣ аван̣н̣ам̣ каттука̄мо’’тиа̄дӣнам̣ уджджха̄панаке вуттанайеневаттхо ведитаббо.

упасампаннам̣ сан̇гхена асамматанти еттха асаммато на̄ма самматена ва̄ сан̇гхена ва̄ бха̄рам̣ катва̄ т̣хапито ведитаббо. анупасампаннам̣ самматам̣ ва̄ асамматам̣ ва̄ти еттха пана бхиккхука̄ле саммутим̣ лабхитва̄ са̄ман̣ерабхӯмийам̣ т̣хито саммато, самматена ва̄ сан̇гхена ва̄ т̣хапито бахуссуто са̄ман̣еро асамматоти ведитаббо. сесам̣ вуттанайатта̄ утта̄намева.

тисамут̣т̣ха̄нам̣ – ка̄йачиттато ва̄ча̄читтато ка̄йава̄ча̄читтато ча самут̣т̣ха̄ти, кирийам̣, сан̃н̃а̄вимоккхам̣, сачиттакам̣, локаваджджам̣, ка̄йакаммам̣, вачӣкаммам̣, акусалачиттам̣, дуккхаведананти.

а̄мисасиккха̄падам̣ чатуттхам̣.