3. са̄кетасуттаван̣н̣ана̄

513. татийе ан̃джанаванети ан̃джанаван̣н̣апуппха̄нам̣ руккха̄нам̣ ропитаване. йам̣, бхиккхаве, саддхиндрийам̣, там̣ саддха̄баланти тан̃хи адхимоккхалаккхан̣е индат̣т̣хена саддхиндрийам̣, ассаддхийе акампанена саддха̄балам̣. итаресам̣ паггахаупат̣т̣ха̄наавиккхепападжа̄наналаккхан̣есу индат̣т̣хена индрийабха̄во, косаджджамут̣т̣хасаччавиккхепа̄виджджа̄су акампанена балабха̄во ведитаббо. евамева кхоти тасса̄ надийа̄ екасотам̣ вийа саддха̄вӣрийасатисама̄дхипан̃н̃а̄васена етесам̣ нинна̄на̄каран̣ам̣ ведитаббам̣, две сота̄ни вийа индат̣т̣хаакампанат̣т̣хехи индрийабалавасена на̄на̄каран̣ам̣ ведитаббам̣.