3. ан̃н̃индрийасуттаван̣н̣ана̄

493. татийе анан̃н̃а̄тан̃н̃асса̄мӣтиндрийанти ‘‘анаматагге сам̣са̄ре аджа̄нитапуббам̣ дхаммам̣ джа̄нисса̄мӣ’’ти пат̣ипаннасса сота̄паттимаггаккхан̣е уппаннам̣ индрийам̣. ан̃н̃индрийанти тесам̣йева н̃а̄тадхамма̄нам̣ а̄джа̄нана̄ка̄рена сота̄паттипхала̄дӣсу чхасу т̣ха̄несу уппаннам̣ индрийам̣. ан̃н̃а̄та̄виндрийанти ан̃н̃а̄та̄вӣсу арахаттапхаладхаммесу уппаннам̣ индрийам̣. таттха таттха тена тена̄ка̄рена уппаннасса н̃а̄н̣ассеветам̣ адхивачанам̣. идампи суттам̣ аттхуппаттикамева. сан̇гхамаджджхасмин̃хи ‘‘кати ну кхо локуттариндрийа̄нӣ’’ти катха̄ удапа̄ди, атха бхагава̄ та̄ни дассенто тӣн̣има̄ни, бхиккхаве, индрийа̄нӣтиа̄дима̄ха.