8. сӯдасуттаван̣н̣ана̄

374. ат̣т̣хаме сӯдоти бхаттака̄рако. на̄наччайехӣти на̄на̄чайехи, на̄на̄видхехӣти аттхо. айамева ва̄ па̄т̣хо. амбилаггехӣти амбилакот̣т̣ха̄сехи. есева найо саббаттха. абхихаратӣти гахан̣аттха̄йа хаттхам̣ паса̄рети. бахум̣ ган̣ха̄тӣти екаггахан̣ена бахум̣ ган̣хантопи пунаппунам̣ ган̣хантопи бахум̣ ган̣хатева. абхиха̄ра̄нанти сатам̣ ва̄ сахассам̣ ва̄ уккхипитва̄ абхихат̣а̄нам̣ да̄йа̄нам̣. упаккилеса̄ти пан̃ча нӣваран̣а̄. нимиттам̣ на угган̣ха̄тӣти ‘‘имам̣ ме каммат̣т̣ха̄нам̣ ануломам̣ ва̄ готрабхум̣ ва̄ а̄хачча т̣хита’’нти на джа̄на̄ти, аттано читтасса нимиттам̣ ган̣хитум̣ на саккоти. имасмим̣ сутте пуббабха̄гавипассана̄ сатипат̣т̣ха̄на̄ва катхита̄.