6. абхайасуттаван̣н̣ана̄

237. чхат̣т̣хе ан̃н̃а̄н̣а̄йа адассана̄йа̄ти ан̃н̃а̄н̣аттха̄йа адассанаттха̄йа. таггха бхагава̄ нӣваран̣а̄ти екам̣сена бхагава̄ нӣваран̣а̄. ка̄йакиламатхоти ка̄йадаратхо. читтакиламатхоти читтадаратхо. сопи ме пат̣иппассаддхоти тасса кира саттху сантике сӣталам̣ утусаппа̄йат̣т̣ха̄нам̣ пависитва̄ нисиннасса ка̄йадаратхо пат̣ипассамбхи, тасмим̣ пат̣ипассаддхе таданвайенева читтадаратхопи. апича маггеневасса етам̣ убхайампи пассаддханти ведитаббам̣.