7. а̄на̄па̄навагго

1. ат̣т̣хикамахаппхаласутта̄диван̣н̣ана̄

238. саттама̄дӣсу ат̣т̣хикасан̃н̃а̄ти ат̣т̣хикам̣ ат̣т̣хиканти бха̄вентасса уппаннасан̃н̃а̄. там̣ панетам̣ бха̄вайато йа̄ва нимиттам̣ на уппаджджати, та̄ва чхавипи чаммампи упат̣т̣ха̄ти. нимитте пана уппанне чхавичамма̄ни нева упат̣т̣хаханти, сан̇кхаван̣н̣о суддхаат̣т̣хикасан̇гха̄т̣ова упат̣т̣ха̄ти хаттхиккхандхагатам̣ дхаммикатиссара̄джа̄нам̣ олокентасса са̄ман̣ерасса вийа, пат̣имагге хасама̄нам̣ иттхим̣ олокентасса четийапаббатава̄сино тиссаттхерасса вийа ча̄ти. ваттхӯни висуддхимагге (висуддхи. 1.15) виттха̄рита̄ни. сати ва̄ упа̄дисесети гахан̣асесе упа̄да̄насесе виджджама̄намхи.

2-10. пул̣авакасутта̄диван̣н̣ана̄

239-247. пул̣авакасан̃н̃а̄ти пул̣авам̣ пул̣аванти бха̄вентасса уппаннасан̃н̃а̄. винӣлакасан̃н̃а̄дӣсупи есева найо. виниччхайакатха̄ панеттха саддхим̣ бха̄вана̄найена висуддхимагге (висуддхи. 1.102) вутта̄. метта̄дайо тикачатуккаджджха̄навасена ведитабба̄, упеккха̄ чатуттхаджджха̄навасенева.