3. годхасаккасуттаван̣н̣ана̄

1019. татийе бхагава̄ва етам̣ джа̄неййа етехи дхаммехи саманна̄гатам̣ ва̄ асаманна̄гатам̣ ва̄ти идам̣ со сакко тӣхи дхаммехи саманна̄гатасса пуггаласса сота̄паннабха̄вам̣, чатӯхи ва̄ дхаммехи саманна̄гатасса сота̄паннабха̄вам̣ бхагава̄ва джа̄на̄тӣти адхиппа̄йена а̄ха.

кочидева дхаммасамуппа̄до уппаджджеййа̄ти кин̃чидева ка̄ран̣ам̣ уппаджджеййа. екато асса бхагава̄, екато бхиккхусан̇гхоти йасмим̣ ка̄ран̣е уппанне бхагава̄ бхиккхусан̇гхена на̄на̄ладдхико хутва̄ екам̣ ва̄дам̣ ваданто екато асса, бхиккхусан̇гхопи екам̣ ваданто екатоти аттхо. тенева̄ханти йам̣ ва̄дам̣ тумхе вадетха, тамева̄хам̣ ган̣хеййанти. нану ча арийаса̄вакасса ратанаттайе паса̄дана̄наттам̣ наттхи, атха касма̄ еса евама̄ха̄ти? бхагавато саббан̃н̃ута̄йа. еван̃хисса хоти ‘‘бхиккхусан̇гхо аттано асаббан̃н̃ута̄йа аджа̄нитва̄пи катхеййа, саттху пана ан̃н̃а̄н̣ам̣ на̄ма наттхӣ’’ти. тасма̄ евама̄ха. ан̃н̃атра калйа̄н̣а̄ ан̃н̃атра кусала̄ти калйа̄н̣амева кусаламева вада̄ми, на калйа̄н̣акусалавимуттанти. апичасса анаваджджанадосо есоти.