7. дутийамитта̄маччасуттаван̣н̣ана̄

1013. саттаме ан̃н̃атхаттам̣ на̄ма паса̄дан̃н̃атхаттам̣ бха̄ван̃н̃атхаттам̣ гатиан̃н̃атхаттам̣ лаккхан̣ан̃н̃атхаттам̣ випарин̣а̄ман̃н̃атхаттанти анекавидхам̣. таттха маха̄бхӯтесу бха̄ван̃н̃атхаттам̣ адхиппетам̣. суван̣н̣а̄дибха̄вена хи гханасан̣т̣хита̄йа патхавидха̄туйа̄ вилӣйитва̄ удакабха̄вам̣ а̄паджджама̄на̄йа пуримабха̄во вигаччхати, бха̄ван̃н̃атхаттам̣ пан̃н̃а̄йати. лаккхан̣ам̣ пана на вигаччхати, каккхал̣алаккхан̣а̄ва хоти. уччхураса̄дибха̄вена ча йӯса̄ка̄расан̣т̣хита̄йа а̄подха̄туйа̄ сусситва̄ гханапатхавибха̄вам̣ а̄паджджама̄на̄йа пуримабха̄во вигаччхати, бха̄ван̃н̃атхаттам̣ пан̃н̃а̄йати. лаккхан̣ам̣ пана на вигаччхати, а̄бандханалаккхан̣а̄ва хоти. татридам̣ ан̃н̃атхаттанти еттха пана гатиан̃н̃атхаттам̣ адхиппетам̣, тан̃хи арийаса̄вакасса наттхи. паса̄дан̃н̃атхаттампи наттхийева, идха пана паса̄дапхалам̣ пака̄сетум̣ гатиан̃н̃атхаттамева дасситам̣. сесам̣ саббаттха утта̄намева̄ти.

ра̄джака̄ра̄мавагго дутийо.