4-5. пат̣хамаса̄рипуттасутта̄диван̣н̣ана̄

1000-1001. чатуттха утта̄намева. пан̃чаме сота̄паттийан̇ганти сота̄паттийа̄ пуббабха̄гапат̣ила̄бхан̇гам̣. буддхе авеччаппаса̄да̄дайо пана пат̣иладдхагун̣а̄ сота̄паннасса ан̇га̄ на̄ма, тепи пана сота̄паттийан̇ганти а̄гата̄. татра̄йам̣ двиннампи вачанаттхо – саппурисе севанто бхаджанто пайирупа̄санто дхаммам̣ сун̣анто йонисо манасикаронто дхамма̄нудхаммам̣ пуббабха̄гапат̣ипадам̣ пат̣ипаджджанто сота̄паттим̣ пат̣илабхатӣти саппурисасам̣сева̄дайо сота̄паттиаттха̄йа ан̇ганти сота̄паттийан̇гам̣ на̄ма, итаре пат̣хамамаггасан̇кха̄та̄йа сота̄паттийа̄ ан̇гантипи сота̄паттийан̇гам̣, пат̣ивиддхасота̄паттимаггасса сота̄паттимагго ан̇гантипи сота̄паттийан̇гам̣.