4. дутийан̃а̄н̣аваттхусуттаван̣н̣ана̄

34. чатуттхе саттасаттарӣти сатта ча саттари ча. бйан̃джанабха̄н̣ака̄ кира те бхиккхӯ, бахубйан̃джанам̣ катва̄ вуччама̄не пат̣ивиджджхитум̣ сакконти, тасма̄ тесам̣ аджджха̄сайена идам̣ суттам̣ вуттам̣. дхаммат̣т̣хитин̃а̄н̣анти паччайа̄ка̄ре н̃а̄н̣ам̣. паччайа̄ка̄ро хи дхамма̄нам̣ паваттит̣т̣хитика̄ран̣атта̄ дхаммат̣т̣хитӣти вуччати, еттха н̃а̄н̣ам̣ дхаммат̣т̣хитин̃а̄н̣ам̣, етассева чхаббидхасса н̃а̄н̣ассетам̣ адхивачанам̣. кхайадхамманти кхайагаманасабха̄вам̣. вайадхамманти вайагаманасабха̄вам̣. вира̄гадхамманти вираджджанасабха̄вам̣. ниродхадхамманти нируджджханасабха̄вам̣. саттасаттарӣти екекасмим̣ сатта сатта катва̄ ека̄дасасу падесу саттасаттари. имасмим̣ сутте випассана̄пат̣ивипассана̄ катхита̄. чатуттхам̣.