8. тимбарукасуттаван̣н̣ана̄

18. ат̣т̣хаме са̄ ведана̄тиа̄ди ‘‘сайам̣катам̣ сукхадуккха’’нти ладдхийа̄ ниседханаттхам̣ вуттам̣. еттха̄пи сатоти бхумматтхейева са̄мивачанам̣. татра̄йам̣ аттхадӣпана̄ – ‘‘са̄ ведана̄, со ведийатӣ’’ти кхо, тимбарука, а̄димхийева евам̣ сати ‘‘сайам̣катам̣ сукхадуккха’’нти айам̣ ладдхи хоти. еван̃хи сати ведана̄йа ева ведана̄ ката̄ хоти. еван̃ча ваданто имисса̄ ведана̄йа пуббепи аттхитам̣ ануджа̄на̄ти, сассатам̣ дӣпети сассатам̣ ган̣ха̄ти. касма̄? тасса хи там̣ дассанам̣ етам̣ парети, етам̣ сассатам̣ упагаччхатӣти аттхо. пуриман̃хи аттхам̣ сандха̄йеветам̣ бхагавата̄ вуттам̣ бхависсати, тасма̄ ат̣т̣хакатха̄йам̣ там̣ йоджетва̄васса аттхо дӣпито. евампа̄хам̣ на вада̄мӣти ахам̣ ‘‘са̄ ведана̄, со ведийатӣ’’ти евампи на вада̄ми. ‘‘сайам̣катам̣ сукхадуккха’’нти евампи на вада̄мӣти аттхо.

ан̃н̃а̄ ведана̄тиа̄ди ‘‘парам̣катам̣ сукхадуккха’’нти ладдхийа̄ пат̣иседханаттхам̣ вуттам̣. идха̄пи айам̣ аттхайоджана̄ –‘‘ан̃н̃а̄ ведана̄ ан̃н̃о ведийатӣ’’ти кхо, тимбарука, а̄димхийева евам̣ сати паччха̄ йа̄ пуримапаккхе ка̄ракаведана̄, са̄ уччхинна̄. та̄йа пана катам̣ ан̃н̃о ведийатӣти евам̣ уппанна̄йа уччхедадит̣т̣хийа̄ саддхим̣ сампайутта̄йа ведана̄йа абхитуннасса сато ‘‘парам̣катам̣ сукхадуккха’’нти айам̣ ладдхи хоти. еван̃ча ваданто ка̄рако уччхинно, ан̃н̃ена пат̣исандхи гахита̄ти уччхедам̣ дӣпети, уччхедам̣ ган̣ха̄ти. касма̄? тасса хи там̣ дассанам̣ етам̣ парети, етам̣ уччхедам̣ упагаччхатӣти аттхо. идха̄пи хи има̄ни пада̄ни ат̣т̣хакатха̄йам̣ а̄харитва̄ йоджита̄нева. имасмим̣ сутте ведана̄сукхадуккхам̣ катхитам̣. тан̃ча кхо випа̄касукхадуккхамева ват̣т̣атӣти вуттам̣. ат̣т̣хамам̣.