7. суддхикасуттаван̣н̣ана̄

193. саттаме суддхикабха̄радва̄джоти айампи бха̄радва̄джова, суддхикапан̃хасса пана пуччхитатта̄ сан̇гӣтика̄рехи евам̣ вутто. сӣлава̄пи тапокаранти сӣласампаннопи тапокаммам̣ каронто. виджджа̄чаран̣асампанноти еттха виджджа̄ти тайо веда̄. чаран̣анти готтачаран̣ам̣. со суджджхати на ан̃н̃а̄ итара̄ паджа̄ти со тевиджджо бра̄хман̣о суджджхати, айам̣ пана ан̃н̃а̄ на̄мика̄ паджа̄ на суджджхатӣти вадати. бахумпи палапам̣ джаппанти бахумпи палапам̣ джаппанто, ‘‘бра̄хман̣ова суджджхатӣ’’ти евам̣ вачанасахассампи бхан̣антоти аттхо. антокасамбӯти анто килесапӯтисабха̄вена пӯтико. сам̣килит̣т̣хоти килит̣т̣хехи ка̄йакамма̄дӣхи саманна̄гато. саттамам̣.