7. ад̣д̣акаран̣асуттаван̣н̣ана̄

118. саттаме ка̄махетӯти ка̄мамӯлакам̣. ка̄манида̄нанти ка̄мапаччайа̄. ка̄ма̄дхикаран̣анти ка̄мака̄ран̣а̄. сабба̄ни хета̄ни ан̃н̃аман̃н̃авевачана̄нева. бхадрамукхоти сундарамукхо. екадивасам̣ кира ра̄джа̄ ад̣д̣акаран̣е нисӣди. таттха пат̣хаматарам̣ лан̃джам̣ гахетва̄ нисинна̄ амачча̄ асса̄микепи са̄мике карим̣су. ра̄джа̄ там̣ н̃атва̄ – ‘‘майхам̣ та̄ва патхависсарасса саммукха̄пете евам̣ каронти, параммукха̄ ким̣ на̄ма на кариссанти? пан̃н̃а̄йиссати да̄ни вит̣ат̣ӯбхо сена̄пати сакена раджджена, ким̣ майхам̣ еварӯпехи лан̃джакха̄дакехи муса̄ва̄дӣхи саддхим̣ екат̣т̣ха̄не нисаджджа̄йа̄’’ти чинтеси. тасма̄ евама̄ха. кхиппам̣ва од̣д̣итанти куминам̣ вийа од̣д̣итам̣. йатха̄ маччха̄ од̣д̣итам̣ куминам̣ пависанта̄ на джа̄нанти, евам̣ сатта̄ килесака̄мена ваттхука̄мам̣ вӣтиккаманта̄ на джа̄нантӣти аттхо. саттамам̣.