10. гхат̣ӣка̄расуттаван̣н̣ана̄

50. дасаме упапанна̄сети ниббаттивасена упагата̄. вимутта̄ти авиха̄брахмалокасмим̣ упапаттисаманантарамева арахаттапхалавимуттийа̄ вимутта̄. ма̄нусам̣ деханти идха пан̃чорамбха̄гийасам̣йоджана̄ни ева вутта̄ни. диббайоганти пан̃ча уддхамбха̄гийасам̣йоджана̄ни. упаччагунти атиккамим̣су. упакотиа̄дӣни тесам̣ тхера̄нам̣ на̄ма̄ни. кусалӣ бха̄сасӣ тесанти, ‘‘кусала’’нти идам̣ вачанам̣ имасса аттхӣти кусалӣ, тесам̣ тхера̄нам̣ твам̣ кусалам̣ анаваджджам̣ бха̄саси, тхомеси пасам̣саси, пан̣д̣итоси девапутта̄ти вадати. там̣ те дхаммам̣ идхан̃н̃а̄йа̄ти те тхера̄ там̣ дхаммам̣ идха тумха̄кам̣ са̄сане джа̄нитва̄. гамбхӣранти гамбхӣраттхам̣. брахмача̄рӣ нира̄мисоти нира̄мисабрахмача̄рӣ на̄ма ана̄га̄мӣ, ана̄га̄мӣ ахосинти аттхо. ахува̄ти ахоси. сага̄меййоти екага̄мава̄сӣ. парийоса̄нага̄тха̄ сан̇гӣтика̄рехи т̣хапита̄ти. дасамам̣.

а̄диттавагго пан̃чамо.