9. чатучаккасуттаван̣н̣ана̄

29. наваме чатучакканти чатуирийа̄патхам̣. ирийа̄патхо хи идха чакканти адхиппето. навадва̄ранти навахи ван̣амукхехи навадва̄рам̣. пун̣н̣анти асучипӯрам̣. лобхена сам̣йутанти тан̣ха̄йа сам̣йуттам̣. катхам̣ йа̄тра̄ бхависсатӣти етасса еварӯпасса сарӣрасса катхам̣ ниггаманам̣ бхависсати, катхам̣ мутти паримутти саматиккамо бхависсатӣти пуччхати. наддхинти упана̄хам̣, пуббака̄ле кодхо, апарака̄ле упана̄хоти евам̣ паваттам̣ балавакодханти аттхо. вараттанти ‘‘чхетва̄ наддхи вараттан̃ча, санда̄нам̣ сахануккама’’нти га̄тха̄йа (дха. па. 398; су. ни. 627) тан̣ха̄ варатта̄, дит̣т̣хи санда̄нам̣ на̄ма джа̄там̣. идха пана па̄л̣иниддит̣т̣хе килесе т̣хапетва̄ авасеса̄ ‘‘варатта̄’’ти ведитабба̄, ити килесавараттан̃ча чхетва̄ти аттхо. иччха̄ лобханти екойева дхаммо иччханат̣т̣хена иччха̄, луббханат̣т̣хена лобхоти вутто. пат̣хамуппаттика̄ ва̄ дуббала̄ иччха̄, апара̄паруппаттико балава̄ лобхо. аладдхапаттхана̄ ва̄ иччха̄, пат̣иладдхаваттхумхи лобхо. самӯлам̣ тан̣ханти авиджджа̄мӯлена самӯлакам̣ тан̣хам̣. аббуйха̄ти аггамаггена уппа̄т̣етва̄. сесам̣ утта̄намева̄ти. навамам̣.