10. ен̣иджан̇гхасуттаван̣н̣ана̄

30. дасаме ен̣иджан̇гханти ен̣имигасса вийа суват̣т̣итаджан̇гхам̣. кисанти атхӯлам̣ самасарӣрам̣. атха ва̄ а̄тапена мила̄там̣ ма̄ла̄гандхавилепанехи анупабрӯхитасарӣрантипи аттхо. вӣранти вӣрийавантам̣. аппа̄ха̄ранти бходжане маттан̃н̃ута̄йа мита̄ха̄рам̣, вика̄лабходжанапат̣иккхепавасена ва̄ паритта̄ха̄рам̣. алолупанти чатӯсу паччайесу лолуппавирахитам̣. расатан̣ха̄пат̣иккхепо ва̄ еса. сӣхам̣векачарам̣ на̄ганти екачарам̣ сӣхам̣ вийа, екачарам̣ на̄гам̣ вийа. ган̣ава̄сино хи паматта̄ хонти, екачара̄ аппаматта̄, тасма̄ екачара̄ва гахита̄ти. паведита̄ти пака̄сита̄ катхита̄. еттха̄ти етасмим̣ на̄марӯпе. пан̃чака̄магун̣авасена хи рӯпам̣ гахитам̣, манена на̄мам̣, убхайехи пана авинибхуттадхамме гахетва̄ пан̃чаккхандха̄дивасенапеттха бхуммам̣ йоджетаббанти. дасамам̣.

саттивагго татийо.