8. махаддханасуттаван̣н̣ана̄

28. ат̣т̣хаме нидха̄нагатам̣ муттаса̄ра̄ди махантам̣ дханаметесанти махаддхана̄. суван̣н̣араджатабха̄джана̄ди маха̄бхого етесанти маха̄бхога̄. ан̃н̃аман̃н̃а̄бхигиджджхантӣти ан̃н̃аман̃н̃ам̣ абхигиджджханти паттхенти пихенти. аналан̇ката̄ти атитта̄ апарийаттаджа̄та̄. уссуккаджа̄тесӯти на̄на̄киччаджа̄тесу ануппанна̄нам̣ рӯпа̄дӣнам̣ уппа̄данаттха̄йа уппанна̄нам̣ анубхаванаттха̄йа уссуккесу. бхавасота̄нуса̄рӣсӯти ват̣т̣асотам̣ анусарантесу. ануссука̄ти ава̄ват̣а̄. ага̄ранти ма̄туга̄мена саддхим̣ гехам̣. вира̄джийа̄ти вира̄джетва̄. сесам̣ утта̄намева̄ти. ат̣т̣хамам̣.