2. пхусатисуттаван̣н̣ана̄

22. дутийе на̄пхусантам̣ пхусатӣти каммам̣ апхусантам̣ випа̄ко на пхусати, каммамева ва̄ апхусантам̣ каммам̣ на пхусати. камман̃хи на̄карото карийати. пхусантан̃ча тато пхусети каммам̣ пхусантам̣ випа̄ко пхусати, каммамева ва̄ пхусати. камман̃хи карото карийати. тасма̄ пхусантам̣ пхусати, аппадут̣т̣хападосинанти йасма̄ на апхусантам̣ пхусати, пхусантан̃ча пхусати, айам̣ каммавипа̄ка̄нам̣ дхаммата̄, тасма̄ йо ‘‘аппадут̣т̣хасса нарасса дуссати, суддхасса посасса анан̇ган̣асса̄’’ти евам̣ вутто аппадут̣т̣хападосӣ пуггало, там̣ пуггалам̣ каммам̣ пхусантамева каммам̣ пхусати, випа̄ко ва̄ пхусати. со хи парасса упагха̄там̣ ка̄тум̣ саккоти ва̄ ма̄ ва̄, атта̄ пана̄нена чатӯсу апа̄йесу т̣хапито на̄ма хоти. тена̄ха бхагава̄ – ‘‘тамева ба̄лам̣ паччети па̄пам̣, сукхумо раджо пат̣ива̄там̣ва кхитто’’ти. дутийам̣.