9. апаранта̄нудит̣т̣хиниддесаван̣н̣ана̄

142. сан̃н̃им̣ вадантӣти сан̃н̃ӣва̄да̄. асан̃н̃им̣ вадантӣти асан̃н̃ӣва̄да̄. невасан̃н̃ӣна̄сан̃н̃им̣ вадантӣти невасан̃н̃ӣна̄сан̃н̃ӣва̄да̄. атха ва̄ сан̃н̃ӣти паватто ва̄до сан̃н̃ӣва̄до, со йесам̣ аттхӣти те сан̃н̃ӣва̄да̄, татха̄ асан̃н̃ӣва̄да̄, невасан̃н̃ӣна̄сан̃н̃ӣва̄да̄ ча. уччхедам̣ вадантӣти уччхедава̄да̄. дит̣т̣хадхаммоти паччаккхадхаммо, таттха таттха пат̣иладдхааттабха̄вассетам̣ адхивачанам̣. дит̣т̣хадхамме нибба̄нам̣ дит̣т̣хадхамманибба̄нам̣, имасмим̣йева аттабха̄ве дуккхавӯпасамоти аттхо, там̣ вадантӣти дит̣т̣хадхамманибба̄нава̄да̄. имасмим̣ панаттхе виттха̄рийама̄не са̄т̣т̣хакатхам̣ сакалам̣ брахмаджа̄ласуттам̣ ваттаббам̣ хоти. еван̃ча сати атипапан̃чо хотӣти на виттха̄рито. тадаттхикехи там̣ апеккхитва̄ гахетаббо.

апаранта̄нудит̣т̣хиниддесаван̣н̣ана̄ нит̣т̣хита̄.