64-67. суддхикапат̣исамбхида̄н̃а̄н̣аниддесаван̣н̣ана̄

110. суддхикапат̣исамбхида̄н̃а̄н̣аниддесе имесам̣ н̃а̄н̣а̄нам̣ пабхеда̄бха̄ватойева хет̣т̣ха̄ вийа пабхедам̣ адассетва̄йева аттхесу н̃а̄н̣ам̣ аттхапат̣исамбхида̄тиа̄ди вуттам̣. пан̃н̃а̄пабхеда̄бха̄вепи аттана̄ пат̣ивиддхачатусаччадхаммаматтавасена на̄наттасаббха̄вато аттхана̄натте пан̃н̃а̄ аттхапат̣исамбхиде н̃а̄н̣антиа̄ди вуттам̣. таттха на̄наттети аттха̄дӣнам̣ анекабха̄ве. ваваттха̄нети аттха̄дӣнам̣ ниччхайане. саллаккхан̣ети аттха̄дӣнам̣ самма̄дассане. упалаккхан̣ети аттха̄дӣнам̣ бхусам̣дассане. пабхедети аттха̄дӣнам̣ на̄на̄бхеде. пабха̄ванети аттха̄дӣнам̣ па̄кат̣ӣкаран̣ена уппа̄дане. джотанети аттха̄дӣнам̣ дӣпане. вирочанети аттха̄дӣнам̣ вивидха̄ дӣпане. пака̄санети аттха̄дӣнам̣ пабха̄сане. ‘‘на̄натте’’ти мӯлападам̣ катва̄ саббаса̄дха̄ран̣авасена вуттам̣. ‘‘ваваттха̄не’’ти сота̄паннасса васена, ‘‘саллаккхан̣е упалаккхан̣е’’ти сакада̄га̄мисса васена, ‘‘пабхеде пабха̄ване’’ти ана̄га̄мисса васена, ‘‘джотане вирочане пака̄сане’’ти арахато васена вуттанти евампеттха йоджана̄ ка̄табба̄ти.

суддхикапат̣исамбхида̄н̃а̄н̣аниддесаван̣н̣ана̄ нит̣т̣хита̄.

ити саддхаммаппака̄синийа̄ пат̣исамбхида̄магга-ат̣т̣хакатха̄йа

пат̣хамо бха̄го нит̣т̣хито.

намо тасса бхагавато арахато самма̄самбуддхасса

кхуддаканика̄йе