39. аттхасандассанан̃а̄н̣аниддесаван̣н̣ана̄

90. аттхасандассанан̃а̄н̣аниддесе пан̃чаккхандха̄тиа̄дӣни вуттаттха̄нева. пака̄сетӣти па̄кат̣ам̣ кароти, сотӯнам̣ н̃а̄н̣ачаккхуна̄ дассанам̣ сампа̄детӣти аттхо. на̄на̄дхамма̄ти локийалокуттара̄ саббадхамма̄ вутта̄. касма̄ пака̄сана̄ниддесе локийа̄ ева вутта̄ти че? аничча̄дивасена пака̄сана̄йа а̄раддхатта̄. локуттара̄нан̃ча асаммасанӯпагатта̄ локуттара̄ на вутта̄. на̄на̄дхамманиддесена пана аттхасандассананиддесена ча тесам̣ сан̇гахитатта̄ йатха̄ те пака̄сетабба̄, татха̄ пака̄сана̄ пака̄сана̄йева. паджахантоти сота̄рам̣ паджаха̄пентоти аттхо. сандассетӣти сотӯнам̣ самма̄ дассети. кечи пана ‘‘ка̄маччхандасса пахӣнатта̄ неккхамматтхам̣ сандассетӣ’’тиа̄дина̄ найена пат̣ханти. тесам̣ уджукамева сотӯнам̣ досаппаха̄не гун̣апат̣ила̄бхе ча кате сикха̄ппаттам̣ десана̄н̃а̄н̣ам̣ хотӣти дассанаттхам̣ айам̣ найо вуттоти ведитаббо.

аттхасандассанан̃а̄н̣аниддесаван̣н̣ана̄ нит̣т̣хита̄.