15. ваттхуна̄наттан̃а̄н̣аниддесаван̣н̣ана̄

66. ваттхуна̄наттан̃а̄н̣аниддесе чаккхум̣ аджджхаттам̣ ваваттхетӣти аджджхаттабхӯтам̣ чаккхум̣ ваваттхапети. йатха̄ со чаккхум̣ ваваттхапети, татха̄ ваттука̄мо катхам̣ чаккхум̣ аджджхаттам̣ ваваттхетӣти пуччхитва̄ пуна чаккху авиджджа̄самбхӯтанти ваваттхетӣтиа̄дина̄ ваваттха̄пана̄ка̄рам̣ дассети. таттха авиджджа̄тан̣ха̄ атӣта̄ упаттхамбхакахетуйо, каммам̣ атӣтам̣ джанакахету, а̄ха̄ро ида̄ни упаттхамбхакахету. етена чаккхӯпаттхамбхака̄ни утучитта̄ни гахита̄нева хонти. чатуннам̣ маха̄бхӯта̄нам̣ упа̄да̄йа̄ти упайогаттхе са̄мивачанам̣, чатта̄ри маха̄бхӯта̄ни упа̄дийитва̄ паваттанти аттхо. етена паса̄дачаккхубха̄во дассито хоти, сасамбха̄рабха̄во пат̣иккхитто. уппаннанти аддха̄васена, сантатикхан̣авасена ва̄ паччуппаннам̣. самуда̄гатанти хетуто самут̣т̣хитам̣. етта̄вата̄ випассана̄пуббабха̄ге чаккхуваваттха̄нам̣ дасситам̣. ахутва̄ самбхӯтантиа̄дӣхи аничча̄нупассана̄. пуббе удайа̄ авиджджама̄нато ахутва̄ самбхӯтам̣, уддхам̣ вайа̄ абха̄вато хутва̄ на бхависсати. антавантатоти анто асса аттхӣти антава̄, антава̄ ева антаванто йатха̄ ‘‘сатиманто, гатиманто, дхитиманто ча йо исӣ’’ти (тхерага̄. 1052). тато антавантато, бхан̇гавиджджама̄натоти аттхо. аддхуванти сабба̄ваттха̄нипа̄тита̄йа, тхирабха̄васса ча абха̄вата̄йа на тхирам̣. асассатанти на ниччам̣. випарин̣а̄мадхамманти джара̄йа чева маран̣ена ча̄ти дведха̄ випарин̣а̄мапакатикам̣. чаккху аниччантиа̄дӣни чаккхум̣ аниччатотиа̄дӣни ча вуттаттха̄ни. маноти идха бхаван̇гаманасса адхиппетатта̄ авиджджа̄самбхӯтотиа̄ди йуджджатийева. а̄ха̄расамбхӯтоти еттха сампайуттапхасса̄ха̄раманосан̃четана̄ха̄равасена ведитаббам̣. уппанноти ча аддха̄сантативасена.

ваттхуна̄наттан̃а̄н̣аниддесаван̣н̣ана̄ нит̣т̣хита̄.