4. сантатарасуттаван̣н̣ана̄

73. чатуттхе рӯпехӣти рӯпа̄вачарадхаммехи. сантатара̄ти атисайена санта̄. рӯпа̄вачарадхамма̄ хи килесавиккхамбханато витакка̄диол̣а̄рикан̇гаппаха̄нато сама̄дхибхӯмибха̄вато ча санта̄ на̄ма, а̄руппа̄ пана техипи ан̇гасантата̄йа чева а̄рамман̣асантата̄йа ча атисайена сантавуттика̄, тена сантатара̄ти вутта̄. ниродхоти нибба̄нам̣. сан̇кха̄ра̄васесасукхумабха̄ваппаттитопи хи чатуттха̄руппато пхаласама̄паттийова сантатара̄ килесадаратхапат̣ипассаддхито нибба̄на̄рамман̣ато ча, киман̇гам̣ пана саббасан̇кха̄расаматхо нибба̄нам̣. тена вуттам̣ ‘‘а̄руппехи ниродхо сантатаро’’ти.

га̄тха̄су рӯпӯпага̄ти рӯпабхавӯпага̄. рӯпабхаво хи идха рӯпанти вутто, ‘‘рӯпӯпапаттийа̄ маггам̣ бха̄ветӣ’’тиа̄дӣсу вийа. арӯпат̣т̣ха̄йиноти арӯпа̄вачара̄. ниродхам̣ аппаджа̄нанта̄, а̄ганта̄ро пунаббхаванти етена рӯпа̄рӯпа̄вачарадхаммехи ниродхасса сантабха̄вамева дассети. арӯпесу асан̣т̣хита̄ти арӯпара̄гена арӯпабхавесу аппатит̣т̣хаханта̄, тепи париджа̄нанта̄ти аттхо. ниродхе йе вимуччантӣти еттха йети нипа̄таматтам̣. сесам̣ хет̣т̣ха̄ вуттанайамева.

чатуттхасуттаван̣н̣ана̄ нит̣т̣хита̄.