2. гатасан̃н̃акаттхераапада̄наван̣н̣ана̄

джа̄тийа̄ саттавассохантиа̄дикам̣ а̄йасмато гатасан̃н̃акаттхерасса апада̄нам̣. айампи пуримабуддхесу ката̄дхика̄ро таттха таттха бхаве виват̣т̣ӯпаниссайа̄ни пун̃н̃а̄ни упачинанто тиссасса бхагавато ка̄ле екасмим̣ кулагехе ниббатто пура̄катава̄сана̄васена саддха̄джа̄то саттавассикака̄лейева паббаджито бхагавато пан̣а̄макаран̣енева па̄кат̣о ахоси. со екадивасам̣ атӣва нӣламан̣иппабха̄ни нан̇галакаситат̣т̣ха̄не ут̣т̣хитасаттапуппха̄ни гахетва̄ а̄ка̄се пӯджеси. со йа̄вата̄йукам̣ саман̣адхаммам̣ катва̄ тена пун̃н̃ена девамануссесу сам̣саранто имасмим̣ буддхуппа̄де екасмим̣ кулагехе ниббатто вин̃н̃утам̣ патто саттхари пасӣдитва̄ паббаджито начирассева араха̄ ахоси.

10. со апарабха̄ге аттано пуббакаммам̣ саритва̄ соманассаджа̄то пуббачарита̄пада̄нам̣ пака̄сенто джа̄тийа̄ саттавассохантиа̄дима̄ха. таттха джа̄тийа̄ саттавассоти ма̄тугаббхато никкхантака̄лато пат̣т̣ха̄йа парипун̣н̣асаттавассикоти аттхо. паббаджим̣ анага̄рийанти ага̄расса хитам̣ а̄га̄рийам̣ касива̄н̣иджджа̄дикаммам̣ наттхи а̄га̄рийанти анага̄рийам̣, буддхаса̄сане паббаджим̣ аханти аттхо.

12. сугата̄нугатам̣ магганти буддхена гатам̣ маггам̣. атха ва̄ сугатена деситам̣ дхамма̄нудхаммапат̣ипаттипӯран̣авасена хат̣т̣хама̄насо тут̣т̣хачитто пӯджетва̄ти самбандхо. сесам̣ саббаттха утта̄наттхамева̄ти.

гатасан̃н̃акаттхераапада̄наван̣н̣ана̄ саматта̄.