7. апарауттараттхераапада̄наван̣н̣ана̄

саттама̄пада̄не ниббуте локана̄тхамхӣтиа̄дикам̣ а̄йасмато апарасса уттараттхерасса апада̄нам̣. айампи пуримабуддхесу ката̄дхика̄ро таттха таттха бхаве виват̣т̣ӯпаниссайа̄ни пун̃н̃а̄ни упачинанто ито чатуннавутикаппе сиддхаттхасса бхагавато ка̄ле кулагехе ниббаттитва̄ вайаппатто вин̃н̃утам̣ патва̄ са̄сане ладдхаппаса̄до хутва̄ упа̄сакаттам̣ ниведеси. со саттхари париниббуте аттано н̃а̄таке саннипа̄тетва̄ бахупӯджа̄сакка̄рам̣ сам̣харитва̄ дха̄тупӯджам̣ ака̄си. со тена пун̃н̃акаммена девамануссесу сам̣саранто имасмим̣ буддхуппа̄де са̄кете бра̄хман̣акуле ниббаттитва̄ уттароти ладдхана̄мо вайаппатто кеначидева каран̣ӣйена са̄ваттхим̣ гато кан̣д̣амбамӯле катам̣ йамакапа̄т̣иха̄рийам̣ дисва̄ пасӣдитва̄ пуна ка̄л̣ака̄ра̄масуттадесана̄йа абхивад̣д̣хама̄насаддхо паббаджитва̄ саттха̄ра̄ саддхим̣ ра̄джагахам̣ гантва̄ упасампадам̣ лабхитва̄ татхева чаранто випассанам̣ пат̣т̣хапетва̄ начирассева чхал̣абхин̃н̃о ахоси. чхал̣абхин̃н̃о пана хутва̄ саттхари са̄ваттхийам̣ вихаранте буддхупат̣т̣ха̄наттхам̣ ра̄джагахато са̄ваттхим̣ упагато бхиккхӯхи – ‘‘ким̣, а̄вусо, паббаджджа̄киччам̣ тайа̄ маттхакам̣ па̄пита’’нти пут̣т̣хо ан̃н̃ам̣ бйа̄ка̄си.

93. арахаттам̣ пана патва̄ соманассаджа̄то аттано пуббачарита̄пада̄нам̣ пака̄сенто ниббуте локана̄тхамхӣтиа̄дима̄ха. там̣ саббам̣ хет̣т̣ха̄ вуттанайатта̄ утта̄наттхамева̄ти.

апарауттараттхераапада̄наван̣н̣ана̄ саматта̄.