7. сайанада̄йакаттхераапада̄наван̣н̣ана̄

сиддхаттхасса бхагаватотиа̄дикам̣ а̄йасмато сайанада̄йакаттхерасса апада̄нам̣. айампи пуримабуддхесу ката̄дхика̄ро таттха таттха бхаве виват̣т̣ӯпаниссайа̄ни пун̃н̃а̄ни упачинанто сиддхаттхасса бхагавато ка̄ле ан̃н̃атарасмим̣ куле ниббатто вин̃н̃утам̣ патто саттхари пасӣдитва̄ хаттхидан̣д̣асуван̣н̣а̄дӣхи сайанаттха̄йа ман̃чам̣ ка̄ретва̄ анаггхехи вичиттаттхаран̣ехи аттхаритва̄ бхагавантам̣ пӯджеси. со бхагава̄ тасса̄нукампа̄йа пат̣иггахетва̄ анубхави. со тена пун̃н̃акаммена диббамануссасампаттийо анубхавитва̄ имасмим̣ буддхуппа̄де екасмим̣ кулагехе ниббатто вин̃н̃утам̣ патва̄ саттху са̄сане пасанно паббаджитва̄ випассанам̣ а̄рабхитва̄ начирассева араха̄ ахоси. пуббе катапун̃н̃ана̄мена сайанада̄йакаттхероти па̄кат̣о.

88. со екадивасам̣ аттано пуббакаммам̣ саритва̄ соманассаджа̄то пуббачарита̄пада̄нам̣ пака̄сенто сиддхаттхасса бхагаватотиа̄дима̄ха. там̣ саббам̣ па̄л̣инайа̄нуса̄рена сувин̃н̃еййамева̄ти.

сайанада̄йакаттхераапада̄наван̣н̣ана̄ саматта̄.