1. супа̄ричарийаттхераапада̄наван̣н̣ана̄

падумо на̄ма на̄мена̄тиа̄дикам̣ а̄йасмато супа̄ричарийаттхерасса апада̄нам̣. айампи пуримамунипун̇гавесу ката̄дхика̄ро таттха таттха бхаве виват̣т̣ӯпаниссайа̄ни пун̃н̃а̄ни упачинанто падумуттарасса бхагавато ка̄ле йаккхайонийам̣ ниббатто химавати йаккхасама̄гамам̣ гато бхагавато девайаккхагандхаббана̄га̄нам̣ дхаммадесанам̣ сутва̄ пасаннама̄насо убхо хаттхе а̄бхуджитва̄ аппхот̣еси намасси ча. со тена пун̃н̃ена тато чуто упари девалоке уппанно таттха диббасукхам̣ анубхавитва̄ мануссесу ча чаккаватиа̄дисампаттийо анубхавитва̄ имасмим̣ буддхуппа̄де са̄ваттхийам̣ гахапатикуле ниббатто ад̣д̣хо махаддхано маха̄бхого ратанаттайе пасанно саттху дхаммадесанам̣ сутва̄ саддха̄джа̄то паббаджитва̄ начирассева арахаттам̣ па̄пун̣и.

1. со екадивасам̣ аттано пуббакаммам̣ саритва̄ соманассаджа̄то пуббачарита̄пада̄нам̣ пака̄сенто падумо на̄ма на̄мена̄тиа̄дима̄ха. таттха падумоти йасса па̄даниккхепасамайе патхавим̣ бхиндитва̄ падумам̣ уггантва̄ па̄даталам̣ сампат̣иччхати, тена сан̃н̃а̄н̣ена со бхагава̄ падумоти сан̇кхам̣ гато, идха падумуттаро бхагава̄ адхиппето. со бхагава̄ павана̄ васанавиха̄ра̄ абхиниккхамма ванамаджджхам̣ пависитва̄ дхаммам̣ десетӣти самбандхо.

йаккха̄нам̣ самайоти дева̄нам̣ сама̄гамо а̄си ахосӣти аттхо. аджджха̄пеккхим̣су та̄вадети тасмим̣ десана̄ка̄ле адхиапеккхим̣су, висесена пассанасӣла̄ ахесунти аттхо. сесам̣ па̄кат̣амева̄ти.

супа̄ричарийаттхераапада̄наван̣н̣ана̄ саматта̄.