9. ват̣ам̣сакийаттхераапада̄наван̣н̣ана̄

сумедхо на̄ма на̄мена̄тиа̄дикам̣ а̄йасмато ват̣ам̣сакийаттхерасса апада̄нам̣. айампи пуримамуниндесу ката̄дхика̄ро таттха таттха бхаве виват̣т̣ӯпаниссайа̄ни пун̃н̃а̄ни упачинанто сумедхасса бхагавато ка̄ле кулагехе ниббатто вин̃н̃утам̣ патто гхара̄ва̄сам̣ сан̣т̣хапетва̄ таттха а̄дӣнавам̣ дисва̄ гехам̣ паха̄йа та̄пасапаббаджджам̣ паббаджитва̄ маха̄ване виха̄си. тасмим̣ самайе сумедхо бхагава̄ вивекака̄мата̄йа там̣ ванам̣ сампа̄пун̣и. атха со та̄пасо бхагавантам̣ дисва̄ пасаннама̄насо викаситам̣ сал̣алапуппхам̣ гахетва̄ ват̣ам̣сака̄ка̄рена гантхетва̄ бхагавато па̄дамӯле т̣хапетва̄ пӯджеси. бхагава̄ тасса читтаппаса̄даттха̄йа анумоданамака̄си. со тена пун̃н̃ена девамануссесу сам̣саранто убхайасампаттийо анубхавитва̄ имасмим̣ буддхуппа̄де вибхавасампанне куле джа̄то вуддхиманва̄йа саддхо пасанно паббаджитва̄ начирассева араха̄ ахоси.

43. со апарабха̄ге пуббакаммам̣ саритва̄ соманассаджа̄то пуббачарита̄пада̄нам̣ пака̄сенто сумедхо на̄ма на̄мена̄тиа̄ди вуттам̣. вивекаманубрӯхантоти джана̄кин̣н̣атам̣ паха̄йа джанавивекам̣ читтавивекан̃ча анубрӯханто вад̣д̣хенто бахулӣкаронто маха̄ванам̣ аджджхога̄хи па̄висӣти аттхо. сесам̣ утта̄наттхамева̄ти.

ват̣ам̣сакийаттхераапада̄наван̣н̣ана̄ саматта̄.