10. паллан̇када̄йакаттхераапада̄наван̣н̣ана̄

сумедхасса бхагаватотиа̄дикам̣ а̄йасмато паллан̇када̄йакаттхерасса апада̄нам̣. айампи пуримабуддхесу ката̄дхика̄ро анекесу бхавесу нибба̄на̄дхигаматтха̄йа катапун̃н̃ӯпачайо сумедхасса бхагавато ка̄ле гахапатикуле ниббатто вуддхиманва̄йа маха̄бхогасампанно саттхари пасӣдитва̄ дхаммам̣ сутва̄ тасса саттхуно саттаратанамайам̣ паллан̇кам̣ ка̄ретва̄ махантам̣ пӯджам̣ ака̄си. со тена пун̃н̃ена девамануссесу сам̣саранто саббаттха пӯджито ахоси. со ануккамена имасмим̣ буддхуппа̄де вибхавасампанне екасмим̣ куле ниббатто вин̃н̃утам̣ патто гхара̄ва̄сам̣ сан̣т̣хапетва̄ саттху дхаммадесанам̣ сутва̄ пасанно паббаджитва̄ начирассева арахаттам̣ патва̄ пуббе катапун̃н̃ана̄мена паллан̇када̄йакаттхероти па̄кат̣о ахоси. хет̣т̣ха̄ вийа упарипи пуббе катапун̃н̃ана̄мена тхера̄нам̣ на̄ма̄ни евамева ведитабба̄ни.

47. со екадивасам̣ аттано пуббакаммам̣ саритва̄ соманассаджа̄то пуббачарита̄пада̄нам̣ пака̄сенто сумедхасса бхагаватотиа̄дима̄ха. паллан̇ко хи майа̄ динноти паллан̇кам̣ ӯрубаддха̄санам̣ катва̄ йаттха упавӣсанти нисӣданти, со паллан̇коти вуччати, со паллан̇ко саттаратанамайо майа̄ динно пӯджитоти аттхо. сауттарасапаччхадоти саха уттараччхадена саха паччхадена сауттарасапаччхадо, упаривита̄нам̣ бандхитва̄ а̄санам̣ уттамаваттхехи аччха̄детва̄ти аттхо. сесам̣ па̄кат̣амева̄ти.

паллан̇када̄йакаттхераапада̄наван̣н̣ана̄ саматта̄.

паннарасамаваггаван̣н̣ана̄ саматта̄.