9. са̄лапуппхада̄йакаттхераапада̄наван̣н̣ана̄

мигара̄джа̄ тада̄ а̄синтиа̄дикам̣ а̄йасмато са̄лапуппхада̄йакаттхерасса апада̄нам̣. айампи пуримабуддхесу ката̄дхика̄ро таттха таттха бхаве катакусаласан̃чайо кеначи каммаччхиддена химаванте сӣхайонийам̣ ниббатто анекасӣхапарива̄ро виха̄си. тада̄ сикхӣ бхагава̄ тасса̄нукампа̄йа химавантам̣ агама̄си. сӣхо там̣ упагатам̣ дисва̄ пасаннама̄насо са̄кха̄бхан̇гена сакан̣н̣икаса̄лапуппхам̣ гахетва̄ пӯджеси. бхагава̄ тасса анумоданам̣ ака̄си.

60. со тена пун̃н̃ена девамануссесу сам̣саранто убхайасампаттийо анубхавитва̄ имасмим̣ буддхуппа̄де екасмим̣ кулагехе ниббатто вин̃н̃утам̣ патва̄ саттхари пасанно паббаджитва̄ арахаттам̣ патто аттано пуббакаммам̣ саритва̄ соманассаджа̄то пуббачарита̄пада̄нам̣ пака̄сенто мигара̄джа̄ тада̄ а̄синтиа̄дима̄ха. таттха маран̣ам̣ гаччхантӣти мига̄, атха ва̄ гха̄сам̣ магганти гавесантӣти мига̄, мига̄нам̣ ра̄джа̄ мигара̄джа̄. сакалачатуппада̄нам̣ ра̄джабха̄ве сатипи га̄тха̄бандхасукхаттхам̣ миге а̄дим̣ катва̄ мигара̄джа̄ти вуттам̣. йада̄ бхагавантам̣ дисва̄ сапуппхам̣ са̄ласа̄кхам̣ бхан̃джитва̄ пӯджесим̣, тада̄ ахам̣ мигара̄джа̄ ахосинти аттхо.

62. сакосам̣ пуппхама̄харинти сакан̣н̣икам̣ са̄лапуппхам̣ а̄харим̣ пӯджесинти аттхо. сесам̣ утта̄наттхамева̄ти.

са̄лапуппхада̄йакаттхераапада̄наван̣н̣ана̄ саматта̄.