3. чанданапӯджанакаттхераапада̄наван̣н̣ана̄

чандабха̄га̄надӣтӣретиа̄дикам̣ а̄йасмато чанданапӯджанакаттхерасса апада̄нам̣. айампи пуримабуддхесу ката̄дхика̄ро таттха таттха бхаве виват̣т̣ӯпаниссайа̄ни пун̃н̃а̄ни упачинанто аттхадассисса бхагавато ка̄ле химаванте чандабха̄га̄надийа̄ самӣпе киннарайонийам̣ ниббатто пуппхабхаккхо пуппханивасано чанданаагаруа̄дӣсу гандхавибхӯсито химаванте бхуммадевата̄ вийа уййа̄накӣл̣аджалакӣл̣а̄дианекасукхам̣ анубхаванто ва̄сам̣ каппеси. тада̄ аттхадассӣ бхагава̄ тасса̄нукампа̄йа химавантам̣ гантва̄ а̄ка̄сато оруйха сан̇гха̄т̣им̣ пан̃н̃а̄петва̄ нисӣди. со киннаро там̣ бхагавантам̣ виджджотама̄нам̣ таттха нисиннам̣ дисва̄ пасаннама̄насо сугандхачанданена пӯджеси. тасса бхагава̄ анумоданам̣ ака̄си.

17. со тена пун̃н̃ена тена соманассена йа̄вата̄йукам̣ т̣хатва̄ тато чуто девалоке ниббатто апара̄парам̣ чха ка̄ма̄вачарасампаттийо анубхавитва̄ мануссесу чаккаваттираджджападесараджджасампаттийо анубхавитва̄ имасмим̣ буддхуппа̄де кулагехе ниббатто вин̃н̃утам̣ патто паббаджитва̄ начирассева арахаттам̣ патва̄ аттано пуббакаммам̣ саритва̄ соманассаджа̄то пуббачарита̄пада̄нам̣ пака̄сенто чандабха̄га̄надӣтӣретиа̄дима̄ха. таттха чандам̣ манам̣ ручим̣ аджджха̄сайам̣ н̃атва̄ вийа джа̄тоти чандо. чандаман̣д̣алена пасаннаниммалодакена убхосу пассесу мутта̄даласадисасантхарадхавалапулинаталена ча саманна̄гататта̄ чандена бха̄га̄ садиса̄ти чандабха̄га̄, тасса̄ чандабха̄га̄йа надийа̄ тӣре самӣпети аттхо. сесам̣ саббам̣ хет̣т̣ха̄ вуттанайатта̄ сувин̃н̃еййамева̄ти.

чанданапӯджанакаттхераапада̄наван̣н̣ана̄ саматта̄.

ат̣т̣хамабха̄н̣ава̄раван̣н̣ана̄ саматта̄.