1. собхитаттхераапада̄наван̣н̣ана̄

падумуттаро на̄ма джинотиа̄дикам̣ а̄йасмато собхитаттхерасса апада̄нам̣. айампи пуримабуддхесу ката̄дхика̄ро таттха таттха бхаве виват̣т̣ӯпаниссайа̄ни пун̃н̃а̄ни упачинанто падумуттарасса бхагавато ка̄ле екасмим̣ кулагехе ниббатто вин̃н̃утам̣ патто гхара̄ва̄сам̣ сан̣т̣хапетва̄ екадивасам̣ саттха̄ра̄ дхамме десийама̄не соманассена пасаннама̄насо на̄наппака̄рехи тхомеси. со тенева соманассена ка̄лам̣ катва̄ девесу ниббатто таттха диббасукхам̣ анубхавитва̄ мануссесу ча мануссасукхам̣ анубхавитва̄ имасмим̣ буддхуппа̄де са̄ваттхийам̣ кулагехе ниббатто саттавассикова паббаджитва̄ начирассева чхал̣абхин̃н̃о араха̄ ахоси.

1. со апарабха̄ге аттано пуббакаммам̣ саритва̄ соманассаджа̄то пуббачарита̄пада̄нам̣ пака̄сенто падумуттаро на̄ма джинотиа̄дима̄ха. там̣ саббам̣ хет̣т̣ха̄ вуттанайатта̄ сувин̃н̃еййамева̄ти.

собхитаттхераапада̄наван̣н̣ана̄ саматта̄.