9. ган̣т̣хипуппхийаттхераапада̄наван̣н̣ана̄

суван̣н̣аван̣н̣о самбуддхотиа̄дикам̣ а̄йасмато ган̣т̣хипуппхийаттхерасса апада̄нам̣. айампи пуримабуддхесу ката̄дхика̄ро анека̄су джа̄тӣсу катапун̃н̃асан̃чайо випассисса бхагавато ка̄ле екасмим̣ кулагехе ниббатто упабхогапарибхогехи анӯно екадивасам̣ випассим̣ бхагавантам̣ саган̣ам̣ дисва̄ пасаннама̄насо ла̄джа̄пан̃чамехи пуппхехи пӯджеси. со тенева читтаппаса̄дена йа̄вата̄йукам̣ т̣хатва̄ тато девалоке ниббатто диббасампаттим̣ анубхавитва̄ апарабха̄ге мануссесу мануссасампаттим̣ анубхавитва̄ имасмим̣ буддхуппа̄де екасмим̣ кулагехе ниббатто саддха̄джа̄то паббаджитва̄ начирассева арахаттам̣ па̄пун̣и.

91. со екадивасам̣ пуббе катапун̃н̃ам̣ саритва̄ соманассаджа̄то ‘‘имина̄ кусалена̄хам̣ нибба̄нам̣ патто’’ти пуббачарита̄пада̄нам̣ пака̄сенто суван̣н̣аван̣н̣о самбуддхотиа̄дима̄ха. там̣ саббам̣ хет̣т̣ха̄ вуттанайатта̄ утта̄наттхамева̄ти.

ган̣т̣хипуппхийаттхераапада̄наван̣н̣ана̄ саматта̄.