8. н̃а̄н̣асан̃н̃икаттхераапада̄наван̣н̣ана̄

паббате химавантамхӣтиа̄дикам̣ а̄йасмато н̃а̄н̣асан̃н̃икаттхерасса апада̄нам̣. айампи пуримабуддхесу ката̄дхика̄ро тасмим̣ тасмим̣ уппаннуппанне бхаве виват̣т̣ӯпаниссайа̄ни пун̃н̃а̄ни упачинанто випассисса бхагавато ка̄ле кулагехе ниббатто вуддхиппатто гхара̄ва̄сам̣ паха̄йа та̄пасапаббаджджам̣ паббаджитва̄ химавантасса авидӯре паббатантаре пан̣н̣аса̄лам̣ ка̄ретва̄ пан̃ча̄бхин̃н̃а̄ат̣т̣хасама̄паттийо ниббаттетва̄ васанто екадивасам̣ парисуддхам̣ пан̣д̣арам̣ пулинаталам̣ дисва̄ ‘‘ӣдиса̄ парисуддха̄ буддха̄, ӣдисам̣ва парисуддхам̣ буддхан̃а̄н̣а’’нти буддхан̃ча тасса н̃а̄н̣ан̃ча ануссари тхомеси ча.

84. со тена пун̃н̃ена девамануссесу сам̣саранто убхайасампаттийо анубхавитва̄ имасмим̣ буддхуппа̄де екасмим̣ кулагехе ниббатто вин̃н̃утам̣ патва̄ са̄сане паббаджитва̄ начирассева арахаттам̣ патто пуббе катапун̃н̃ам̣ ануссаритва̄ соманассаджа̄то пуббачарита̄пада̄нам̣ пака̄сенто ‘‘паббате химавантамхӣ’’тиа̄дима̄ха. пулинам̣ собханам̣ дисва̄ти парипун̣н̣акатам̣ вийа пула̄ка̄рена парисодхита̄ка̄рена паваттам̣ т̣хитанти пулинам̣, собханам̣ ва̄лукам̣ дисва̄ сет̣т̣хам̣ буддхам̣ ануссаринти аттхо. сесам̣ сувин̃н̃еййамева̄ти.

н̃а̄н̣асан̃н̃икаттхераапада̄наван̣н̣ана̄ саматта̄.