7. пхалада̄йакаттхераапада̄наван̣н̣ана̄

аджджха̄йако мантадхаротиа̄дикам̣ а̄йасмато пхалада̄йакаттхерасса апада̄нам̣. айампи пуримабуддхесу ката̄дхика̄ро анекесу бхавесу виват̣т̣ӯпаниссайа̄ни пун̃н̃а̄ни упачинанто падумуттарасса бхагавато ка̄ле бра̄хман̣акуле ниббатто вин̃н̃утам̣ патва̄ ведаттайа̄дисакасиппесу па̄раппатто анекесам̣ бра̄хман̣асахасса̄ним̣ па̄моккхо а̄чарийо сакасиппа̄нам̣ парийоса̄нам̣ адисва̄ таттха ча са̄рам̣ апассанто гхара̄ва̄сам̣ паха̄йа исипаббаджджам̣ паббаджитва̄ химавантасса авидӯре ассамам̣ ка̄ретва̄ саха сиссехи ва̄сам̣ каппеси, тасмим̣ самайе падумуттаро бхагава̄ бхиккха̄йа чарама̄но тасса̄нукампа̄йа там̣ падесам̣ сампа̄пун̣и. та̄пасо бхагавантам̣ дисва̄ пасаннама̄насо аттано аттха̄йа пут̣аке никкхипитва̄ руккхагге лаггита̄ни мадхура̄ни падумапхала̄ни мадхуна̄ саха ада̄си. бхагава̄ тасса соманассуппа̄данаттхам̣ пассантассева парибхун̃джитва̄ а̄ка̄се т̣хито пхалада̄на̄нисам̣сам̣ катхетва̄ пакка̄ми.

75. со тена пун̃н̃ена девамануссесу сам̣саранто убхайасампаттийо анубхавитва̄ имасмим̣ буддхуппа̄де вибхавасампанне екасмим̣ кулагехе ниббатто саттавассикойева арахаттам̣ патва̄ пуббе катакусалакаммам̣ саритва̄ соманассаджа̄то пуббачарита̄пада̄нам̣ пака̄сенто аджджха̄йако мантадхаротиа̄дима̄ха. таттха аджджхети чинтетӣти аджджха̄йи, аджджха̄йийева аджджха̄йако. еттха хи ака̄ро ‘‘пат̣иседхе вуддхитаббха̄ве…пе… ака̄ро вирахаппаке’’ти евам̣ вуттесу дасасу аттхесу таббха̄ве ваттати. сисса̄нам̣ саванадха̄ран̣а̄дивасена хитам̣ аджджхети чинтети саджджха̄йам̣ каротӣти аджджха̄йако, чинтакоти аттхо. а̄чарийасса сантике уггахитам̣ саббам̣ мантам̣ манена дха̄рети паваттетӣти мантадхаро. тин̣н̣ам̣ веда̄на па̄рагӯти ведам̣ вуччати н̃а̄н̣ам̣, ведена ведитабба̄ буджджхитабба̄ти веда̄, ируведайаджуведаса̄маведасан̇кха̄та̄ тайо гантха̄, тесам̣ веда̄нам̣ па̄рам̣ парийоса̄нам̣ кот̣им̣ гато паттоти па̄рагӯ. сесам̣ па̄кат̣амева̄ти

пхалада̄йакаттхераапада̄наван̣н̣ана̄ саматта̄.