4. гандходакийаттхераапада̄наван̣н̣ана̄

нисаджджа па̄са̄даваретиа̄дикам̣ а̄йасмато гандходакийаттхерасса апада̄нам̣. айампи пуримабуддхесу ката̄дхика̄ро таттха таттха бхаве нибба̄нӯпаниссайа̄ни пун̃н̃а̄ни упачинанто випассӣбхагавато ка̄ле сет̣т̣хикуле ниббатто вин̃н̃утам̣ патва̄ махаддхано маха̄бхого диббасукхаманубхаванто вийа мануссасукхаманубхаванто екасмим̣ дивасе па̄са̄даваре нисинно хоти. тада̄ бхагава̄ суван̣н̣амаха̄меру вийа вӣтхийа̄ вичарати, там̣ вичарама̄нам̣ бхагавантам̣ дисва̄ пасаннама̄насо гантва̄ вандитва̄ сугандходакена бхагавантам̣ осин̃чама̄но пӯджеси. со тена пун̃н̃ена девамануссесу сам̣саранто имасмим̣ буддхуппа̄де екасмим̣ кулагехе ниббатто вин̃н̃утам̣ патто гхара̄ва̄сена аналлӣно саттху сантике паббаджитва̄ каммат̣т̣ха̄нам̣ гахетва̄ випассанам̣ вад̣д̣хетва̄ начирассева араха̄ ахоси.

35. со апарабха̄ге аттано пуббакусалам̣ саритва̄ соманассаджа̄то пуббачарита̄пада̄нам̣ пака̄сенто нисаджджа па̄са̄даваретиа̄дима̄ха. таттха па̄са̄доти паса̄дам̣ соманассам̣ джанети уппа̄детӣти па̄са̄до, ма̄ла̄каммачиттакаммасуван̣н̣акамма̄дйанекавичиттам̣ дисва̄ таттха павит̣т̣ха̄нам̣ джана̄нам̣ паса̄дам̣ джанайатӣти аттхо. па̄са̄до ча со паттхетаббат̣т̣хена варо ча̄ти па̄са̄даваро, тасмим̣ па̄са̄даваре нисаджджа нисӣдитва̄ випассим̣ джинаварам̣ аддасанти самбандхо. сесам̣ саббаттха утта̄намева̄ти.

гандходакийаттхераапада̄наван̣н̣ана̄ саматта̄.