8. а̄санупат̣т̣ха̄хакаттхераапада̄наван̣н̣ана̄

ка̄нанам̣ ванамоггайха̄тиа̄дикам̣ а̄йасмато а̄санупат̣т̣ха̄хакаттхерасса апада̄нам̣. айампи пуримабуддхесу ката̄дхика̄ро таттха таттха бхаве виват̣т̣ӯпаниссайа̄ни пун̃н̃а̄ни упачинанто аттхадассисса бхагавато ка̄ле кулагехе ниббатто гхара̄ва̄сам̣ васанто таттха досам̣ дисва̄ гхара̄ва̄сам̣ паха̄йа та̄пасапаббаджджам̣ паббаджитва̄ химаванте васанто таттха сампаттам̣ бхагавантам̣ дисва̄ пасанно сӣха̄санам̣ ада̄си, таттха нисиннам̣ бхагавантам̣ ма̄ла̄кала̄пам̣ гахетва̄ пӯджетва̄ там̣ падаккхин̣ам̣ катва̄ пакка̄ми. со тена пун̃н̃ена девамануссесу сам̣саранто ниббаттаниббаттабхаве уччакулико вибхавасампанно ахоси. со ка̄лантарена имасмим̣ буддхуппа̄де кулагехе ниббатто вуддхиманва̄йа саттхари пасӣдитва̄ паббаджито начирассева араха̄ ахоси.

47. со араха̄ сама̄но аттано пуббакаммам̣ саритва̄ соманассаджа̄то пуббачарита̄пада̄нам̣ пака̄сенто ка̄нанам̣ ванамоггайха̄тиа̄дима̄ха. там̣ саббам̣ хет̣т̣ха̄ вуттаттхамева̄ти.

а̄санупат̣т̣ха̄хакаттхераапада̄наван̣н̣ана̄ саматта̄.