6. удакапӯджакаттхераапада̄наван̣н̣ана̄

суван̣н̣аван̣н̣ам̣ самбуддхантиа̄дикам̣ а̄йасмато удакапӯджакаттхерасса апада̄нам̣. айампи пуримаджинаваресу пӯритакусаласан̃чайо таттха таттха бхаве виват̣т̣ӯпаниссайа̄ни пун̃н̃а̄ни парипӯрийама̄но пудумуттарасса бхагавато ка̄ле екасмим̣ кулагехе ниббатто вуддхиманва̄йа кусала̄кусалам̣ джа̄нанто падумуттарасса бхагавато а̄ка̄се гаччхато никкхантачхаббан̣н̣абуддхарам̣сӣсу пасанно убхохи хаттхехи удакам̣ гахетва̄ пӯджеси. тена пӯджитам̣ удакам̣ раджатабуббулам̣ вийа а̄ка̄се ат̣т̣ха̄си. со абхиппасанно тенева соманассена тусита̄дӣсу ниббатто диббасампаттийо анубхавитва̄ апарабха̄ге мануссасампаттийо ча анубхавитва̄ имасмим̣ буддхуппа̄де кулагехе ниббатто вин̃н̃утам̣ патто саттхари пасӣдитва̄ паббаджито начирассева араха̄ ахоси.

29. со апарабха̄ге аттано пуббакаммам̣ саритва̄ соманассаджа̄то пуббачарита̄пада̄нам̣ пака̄сенто суван̣н̣аван̣н̣ам̣ самбуддхантиа̄дима̄ха. там̣ хет̣т̣ха̄ вуттамева. гхата̄санам̣ва джалитанти гхатам̣ вуччати саппи, гхатасса а̄санам̣ а̄дха̄ранти гхата̄санам̣, агги, атха ва̄ там̣ асати бхун̃джатӣти гхата̄санам̣, аггийева. йатха̄ гхате а̄ситте аггимхи аггисикха̄ атӣва джалати, евам̣ аггиккхандхам̣ ива джалама̄нам̣ бхагавантанти аттхо. а̄диттам̣ва хута̄сананти хутам̣ вуччати пӯджа̄сакка̄ре, хутасса пӯджа̄сакка̄расса а̄сананти хута̄санам̣, джалама̄нам̣ сӯрийам̣ ива дваттим̣самаха̄пурисалаккхан̣ехи бйа̄маппабха̄ман̣д̣алехи виджджотама̄нам̣ суван̣н̣аван̣н̣ам̣ самбуддхам̣ анилан̃джасе а̄ка̄се гаччхантам̣ аддасанти самбандхо. сесам̣ саббаттха утта̄намева̄ти.

удакапӯджакаттхераапада̄наван̣н̣ана̄ саматта̄.