7. мадхупин̣д̣икаттхераапада̄наван̣н̣ана̄

виване ка̄нане дисва̄тиа̄дикам̣ а̄йасмато мадхупин̣д̣икаттхерасса апада̄нам̣. айампи пуримабуддхесу ката̄дхика̄ро таттха таттха бхаве виват̣т̣ӯпаниссайа̄ни пун̃н̃а̄ни упачинанто сиддхаттхасса бхагавато ка̄ле неса̄дайонийам̣ ниббатто маха̄аран̃н̃е пат̣ивасати. тада̄ вивека̄бхиратийа̄ сампаттам̣ сиддхаттхам̣ бхагавантам̣ дисва̄ сама̄дхито вут̣т̣хитасса тасса сумадхурам̣ мадхумада̄си. таттха ча пасаннама̄насо вандитва̄ пакка̄ми. со тенева пун̃н̃ена сампаттим̣ анубхаванто девамануссесу сам̣саритва̄ имасмим̣ буддхуппа̄де кулагехе ниббатто вуддхиппатто саттхари пасӣдитва̄ паббаджито начирассева араха̄ ахоси.

37. со апарабха̄ге аттано пуббакаммам̣ саритва̄ соманассаджа̄то пуббачарита̄пада̄нам̣ пака̄сенто виване ка̄нане дисва̄тиа̄дима̄ха. таттха виванети висесена ванам̣ паттхат̣ам̣ виванам̣, хаттхиассаратхасаддехи бхерисаддехи ча ваттхука̄макилесака̄мехи ча вигатам̣ бйа̄пагатанти аттхо, ка̄нанасан̇кха̄те маха̄аран̃н̃е виванети самбандхо. осадхим̣ва вирочантанти бхававад̣д̣хакиджана̄нам̣ иччхитиччхитам̣ ниппха̄детӣти осадхам̣. оджа̄ниббаттика̄ран̣ам̣ пат̣ичча йа̄йа та̄рака̄йа уггата̄йа уддхаранти ган̣хантӣти са̄ осадхи. осадхита̄рака̄ ива вирочантӣти ваттаббе га̄тха̄бандхасукхаттхам̣ ‘‘осадхим̣ва вирочанта’’нти ча вуттам̣. сесам̣ саббаттха утта̄намева̄ти.

мадхупин̣д̣икаттхераапада̄наван̣н̣ана̄ саматта̄.