2. абхидхаммабха̄джанӣйаван̣н̣ана̄

374. абхидхаммабха̄джанӣйе локуттарасатипат̣т̣ха̄навасена десана̄йа а̄раддхатта̄ йатха̄ ка̄йа̄диа̄рамман̣есу локийасатипат̣т̣ха̄несу танти т̣хапита̄, евам̣ ат̣т̣хапетва̄ сабба̄нипи ка̄йа̄нупасса̄дӣни сатипат̣т̣ха̄на̄ни дхаммасан̇ган̣ийам̣ (дха. са. 355 а̄дайо) вибхаттасса десана̄найасса мукхаматтамева дассентена ниддит̣т̣ха̄ни.

таттха найабхедо ведитаббо. катхам̣? ка̄йа̄нупассана̄йа та̄ва сота̄паттимагге джха̄на̄бхинивесе суддхикапат̣ипада̄, суддхикасун̃н̃ата̄, сун̃н̃атапат̣ипада̄, суддхикааппан̣ихитам̣, аппан̣ихитапат̣ипада̄ти имесу пан̃часу т̣ха̄несу двиннам̣ двиннам̣ чатуккапан̃чаканайа̄нам̣ васена даса найа̄ хонти. евам̣ сесесупӣти вӣсатийа̄ абхинивесесу две найасата̄ни. та̄ни чатӯхи адхипатӣхи чатугун̣ита̄ни ат̣т̣ха. ити суддхика̄ни две са̄дхипатӣни ат̣т̣ха̄ти саббампи найасахассам̣ хоти. татха̄ ведана̄нупассана̄дӣсу суддхикасатипат̣т̣ха̄не ча̄ти сота̄паттимагге пан̃ча найасахасса̄ни. йатха̄ ча сота̄паттимагге, евам̣ сесамаггесупӣти кусале вӣсати найасахасса̄ни; сун̃н̃ата̄пан̣ихита̄нимитта̄дибхедесу пана тато тигун̣е випа̄ке сат̣т̣хи найасахасса̄нӣти. евамева сакиччаса̄дхака̄нан̃чева сам̣сиддхикакичча̄нан̃ча кусалавипа̄касатипат̣т̣ха̄на̄нам̣ ниддесавасена дувидхо ка̄йа̄нупассана̄дивасена ча суддхикавасена ча кусале пан̃чаннам̣ випа̄ке пан̃чаннанти дасаннам̣ ниддесава̄ра̄нам̣ васена дасаппабхедо асӣтинайасахассапатиман̣д̣ито абхидхаммабха̄джанӣйаниддесо.