7-12. паччанӣйапат̣т̣ха̄наван̣н̣ана̄

1. ида̄ни кусала̄дӣнам̣ пада̄нам̣ пат̣иккхепавасена дхамма̄нам̣ паччанӣйата̄йа ладдхана̄мам̣ паччанӣйапат̣т̣ха̄нам̣ дассетум̣ накусалам̣ дхаммам̣ пат̣ичча накусало дхаммо уппаджджати хетупаччайа̄тиа̄ди а̄раддхам̣. таттха накусалам̣ дхаммам̣ пат̣ичча̄ти кусаласса паччайабха̄вам̣ ва̄рети. накусало дхаммо уппаджджатӣти кусаласса уппаттим̣ ва̄рети, тасма̄ ‘‘акусала̄бйа̄катам̣ екам̣ кхандхам̣ пат̣ичча акусала̄бйа̄ката̄ тайо кхандха̄ читтасамут̣т̣ха̄нан̃ча рӯпа’’нти евама̄дина̄ найенеттха пан̃хам̣ виссаджджитаббам̣. тасмим̣ тасмим̣ паччайе ладдхаган̣ана̄ пана па̄л̣ийам̣ вутта̄йева. йепи ва̄ра̄ садисависсаджджана̄, тепи таттхева дассита̄. тасма̄ саббаметтха хет̣т̣ха̄ вуттанайа̄нуса̄рена па̄л̣им̣ упапариккхитва̄ ведитаббам̣. йатха̄ четтха, евам̣ дукапат̣т̣ха̄не, дукатикапат̣т̣ха̄не, тикадукапат̣т̣ха̄не тикатикапат̣т̣ха̄не, дукадукапат̣т̣ха̄не ча.

етта̄вата̄ –

тикан̃ча пат̣т̣ха̄наварам̣ дукуттамам̣,

дукам̣ тикан̃чева тикам̣ дукан̃ча;

тикам̣ тикан̃чева, дукам̣ дукан̃ча,

чха паччанӣйамхи найа̄ сугамбхӣра̄ти. –

ат̣т̣хакатха̄йам̣ вуттага̄тха̄йа дӣпита̄. дхаммапаччанӣйапат̣т̣ха̄не чха найа̄ ниддит̣т̣ха̄ хонти. паччайавасена панеттха екекасмим̣ пат̣т̣ха̄не анулома̄дайо чатта̄ро чатта̄ро найа̄ти екена парийа̄йена чатувӣсатинайапат̣иман̣д̣итам̣ паччанӣйапат̣т̣ха̄нан̃н̃ева ведитаббам̣.

паччанӣйапат̣т̣ха̄наван̣н̣ана̄.