5. тикатикапат̣т̣ха̄наван̣н̣ана̄

тикатикапат̣т̣ха̄непи кусалам̣ сукха̄йа ведана̄йа сампайуттам̣ дхаммам̣ пат̣ичча кусало сукха̄йа ведана̄йа сампайутто дхаммо уппаджджати хетупаччайа̄ти пан̃худдха̄равасенева сан̇кхепато десана̄ ката̄. еттха ча кусалаттикам̣ ведана̄ттика̄дӣхи, ведана̄ттика̄дайо ча кусалаттикена̄ти евам̣ тикесуйева тика̄ паккхитта̄. йена йена ча падена саддхим̣ йам̣ йам̣ падам̣ йоджанам̣ на гаччхати, там̣ там̣ ха̄петва̄ лаббхама̄навасенева саббапаччайесу ва̄ра̄ ча ган̣ананайа̄ ча дассита̄, тасма̄ те са̄дхукам̣ па̄л̣им̣ упапариккхитва̄ ведитабба̄. йатха̄ ча кусалаттикам̣ ведана̄ттика̄дӣхи, ведана̄ттика̄дайо ча тена саддхим̣ йоджетва̄ ведитабба̄; татха̄ екекам̣ тикам̣ сесехи. сеса̄ ча техи саддхим̣ йоджетва̄ ведитабба̄ти.

тикатикапат̣т̣ха̄наван̣н̣ана̄.