4. тикадукапат̣т̣ха̄наван̣н̣ана̄

тикадукапат̣т̣ха̄непи кусалам̣ хетум̣ дхаммам̣ пат̣ичча кусало хету дхаммо уппаджджати хетупаччайа̄ти пан̃ха̄маттуддха̄равасенева десана̄ ката̄. таттха йатха̄ хет̣т̣ха̄ хетудукена саддхим̣ кусалападам̣ йоджетва̄ саббапаччайавасена саббава̄ресу сан̇кхепато десана̄ ката̄, евамидха кусалаттикена саддхим̣ хетупадам̣ йоджетва̄ саббапаччайавасена саббава̄ресу сан̇кхепато десана̄ ката̄. йатха̄ ча хетупадам̣, евам̣ нахетупадампи кусалаттикена саддхим̣ йоджетва̄ кусалаттикахетудукам̣ нит̣т̣ха̄питам̣. тато парам̣ сукха̄йа ведана̄йа сампайуттам̣ хетум̣ дхаммантиа̄дина̄ найена ведана̄ттикахетудука̄дӣни екавӣсати тикадука̄ни дассита̄ни.

евам̣ ба̄вӣсатийа̄ тикехи саддхим̣ хетудукам̣ йоджетва̄ пуна техийева саддхим̣ сахетукадука̄дайо саран̣адукапарийоса̄на̄ лаббхама̄навасена саббадука̄ йоджита̄. идха̄пи йам̣ йам̣ падам̣ йоджанам̣ на гаччхати, там̣ там̣ па̄л̣ийам̣йева пат̣иккхиттам̣. евам̣ дукасатам̣ гахетва̄ два̄вӣсатийа̄ тикесу паккхипитва̄ тикадукапат̣т̣ха̄нам̣ на̄ма деситам̣. татра̄пи йена йена найена па̄л̣и сан̇кхитта̄, со со найо виттха̄рато ведитаббо.

тикадукапат̣т̣ха̄наван̣н̣ана̄.